یار سنی

یارادوب تانری عزیزیم، نه گوزل یار سنی

گوزله بو حوسنله آلداتماسین اغیار سنی

دیشلرین اینجی، لبین لعل، اوزون گل کیمی تر

خلق ائدوب منجه طبیعت دُر شهوار سنی

عشق بیماری ساغالماز بونی درد اهلی بیلیر

ساغالار گورسه بو ترکیب‌ایله بیمار سنی

یاندیریب کعبه و بتخانه‌نی زناری آتار

گورسه صنعان کیمی مین عاشق دیندار سنی

سن کی حال اهلی‌ایدین عاشقی اینجیتمزایدین

ایندی جان آلماغا کیم ائیله‌دی وادار سنی

عاشیقین کونلونه رحم ائت، بو قدر اینجیتمه

گورمه‌میشدیم گوزلیم، بونجا ستمکار سنی

مست‌ایدین سن بو قارا گوزلولرین عشقینده

ایندی واحد سئوینیر کیم گورور هوشیار سنـی!

شاعیر: علی آقا واحد