اگلش‌میش

نگاریم بزم عشرت‌ده بئلینده خنجر اگلش‌میش

مگر نوشابه تختینده گلوب اسکندر اگلش‌میش؟

رقیب شومینی گوردوم حوری پیکرلر میانینده

که گویا قصر جنت‌ده گلوب بیر کافر اگلش‌میش

بو بزم جان‌فزاده آفتاب عالم‌آرا دی

و یا جام می الده اول بت سیمین‌بر اگلش‌میش

رخی دورینده گورجک زلف پرچینین خیال ائتدیم

سراسر کشور دارانی توتمیش لشگر اگلش‌میش

بساط اهلین بوتون جذب‌ائیله‌میشدی چشم مستیله

سانیرسان شهر بابل‌ده گلوب جادوگر اگلش‌میش

باکو شاعرلریندن واحدا یوسف‌دی رحمتلیک

او گئتدیسه اونون ایندی یئرینده آذر اگلش‌میش

شاعر: علی آقا واحد