ش | ی | د | س | چ | پ | ج |
1 | ||||||
2 | 3 | 4 | 5 | 6 | 7 | 8 |
9 | 10 | 11 | 12 | 13 | 14 | 15 |
16 | 17 | 18 | 19 | 20 | 21 | 22 |
23 | 24 | 25 | 26 | 27 | 28 | 29 |
30 | 31 |
تیکمیشم گوز راهه بر جلادی گوزلر گوزلریم
دامه دوشمیش صیدتک صیادی گوزلر گوزلریم
یوخسه دیرسیز زاهدم من اولموشام خلوتنشین
اول صنمدن اوتری بو بربادی گوزلر گوزلریم
بیستون داغین گیدوب گزمک دگل منظورمیز
نقش شیرین تک همان فرهادی گوزلر گوزلریم
تا ائدوب عکس جمالین سینهمی لوح خیال
ششدر حیرتده برنرّادی گوزلر گوزلریم
برق عشقین آتش سوزانه یاخمیش باغرمی
یاش توکنده دجلهی بغدادی گوزلر گوزلریم
مکتب عشق ایچره تا ایتسون منی کامل عیار
اولموشام پا بسته براستادی گوزلر گوزلریم
قویمیم تا اوندان اوزگه کیمسه بو ویرانهده
روز و شب بو خاطر ناشادی گوزلر گوزلریم
پرتو مهر روخوندن تاکی بیلسون بیر نشان
هر طرف سیران ائدوب هریانی گوزلر گوزلریم
جملهی قرآن کتابی ائیله مکدن الورق
اوزگه مطلب یوخ همین بیر آدی گوزلر گوزلریم
محمل لیلی «نباتی» گوزدن اولدو ناپدید
من نه مجنونم کی بو اوتادی گوزلر گوزلریم
سیّد ابوالقاسم نباتی
یک بیت شعر از کل اشعار استاد نباتی نشان از عشق و ارادت خالصش به مولا علی هست که کمتر شاعری به این جایگاه رسیده عشقش مولا علی بوده و بس
خسرو و شیرین و فرهادی گئت نظامیدن سوروش
کیم نباتی دائم ائیلر شاه مرداندان حدیث