ش | ی | د | س | چ | پ | ج |
1 | ||||||
2 | 3 | 4 | 5 | 6 | 7 | 8 |
9 | 10 | 11 | 12 | 13 | 14 | 15 |
16 | 17 | 18 | 19 | 20 | 21 | 22 |
23 | 24 | 25 | 26 | 27 | 28 | 29 |
30 | 31 |
لعنت اینترنتـه کی لال لاری گویا ائلهدی
یوخی وار قاره نی آغ چیرکینی زیبا ائلهدی
اته نه قوش لارینا قدرت پرواز وئریب
سوت دیشین توکمیهنی حکمته دارا ائلهدی
آچدی علمین قاپی سین غرب ده انسان اوزونه
تکجه فکر اوغروسونو شرق ده احیا ائلهدی
لولهیین گورمهیهنین آفتافا وئردی الینه
خورخورا دوشدو خبرآلمـا نه غوغا ائلهدی
اوشاقین آلدی الیندهن توتهکی وئردی موبایل
او طفیل ده اونو دفترچهی انشا ائلهدی
یئتمیش ایل سانجی چکیب نیما بئجردهن وطنی
آز زامان دا نئچه مین صاحب نیما ائلهدی
شاملووون قویدو ایاغ چینینه قوزاندی گویه
اخوان نقشینی اشعارده امحا ائلهدی
فکر صاحبلرینین گنجینی تاراجه قویوب
رنج سیز بیرگئجهده سارساقی سینا ائلهدی
وزنایلن قافیهنی شاققالایب آتدی ایته
حضرت حافظه بیر محکمه برپا ائلهدی
سعدینین قبرینی قازدیردی گلستانینده
قتل فرمانینی فردوسییه امضاء ائلهدی
مولوینی ائلهدی نفی بلد قونیهدهن
اولو خاقانینی شیروانیده رسوا ائلهدی
نظمدهن سالدی نظامی کیمی شعرین آتاسین
صائبین سبکینی هند اوغلونا اهدا ائلهدی
بیدلاین کسدی دیلین دهلیده باسدیردی یئره
سعـد سلمانیده زندانیده ابقا ائلهدی
شهریارین گوتوروب شعر تاجین باشیندان
گونشاین چشمه سینی شب پره حاشا ائلهدی
بوغدو حیدربابانی دوغدو مدرنیسمی بیزه
درده باخ اوندادا بیسرلری بیپا ائلهدی
سیمیناین دیوانینی زوللادی آشغال قابینا
پروینی کهنه بئین شاعره معنا ائلهدی
سایهنی حال حیاتینده زمینگیر ائلهین
فروغی رتبهده بیر شاعر نوپا ائلهدی
ادبیات دنیزینده اوزهن اوزگونچولری
بوشلایب گولده باتان قطرهنی دریا ائلهدی
و بو اینترنت اگر وئردی تعالی بشره
بیزیم ایران دا بوتون اسفلی اعلا ائلهدی
قارقانی قوزقونو دولدوردی ادب باغچاسینا
بولبولی داردان آسیب پشهنی عنقا ائلهدی
ادبیاتیده چالـدی ادبین داش باشینا
یئنی معجونیدهن اخلاقی مجزا ائلهدی
سرقته فرصتی بذل ائتدی شعر اوغروسونا
اودا اوز ذاتینی وبلاگدا هویدا ائلهدی
زلف اوزاندی قاش آلیندی دیشیلندی کیشیمیز
لعنت اول تکنیکه مجنونو لیلا ائلهدی
طاووسی ساتماق ایچون یوللادی مال میدانینا
دورری خرمهرهیه بازاریده همتا ائلهدی
اوز کوکونداندی اوشاق باغلادی بیگانهیه بئل
نه اوتاندی نه اوساندی نه ده پروا ائلهدی
آتاسین دان بئخبر بیلدی اوز ائلداشلارینی
نه بیلیم بلکه ده اوز سرینی افشا ائلهدی
نه گیله فقردهن ائتدی نه آخان قان یاشدان
نه تالانمیشلار ایچون صبر تمنا ائلهدی
نه قارانلیق گئجهیه بیر جوما اولدوز چیلهدی
نه دومانلیق بهیهنن آزمانا ایذا ائلهدی
نه بولاق اولدو آچیب یول آخا یار باغچاسینا
نه چراغ ایلهایتن یولداشی پیدا ائلهدی
تکجه اوهامایله شعرین پری سین سالدی تورا
چالیشیب صبحه کیمی نفسینی اغنا ائلهدی
اعتراض نامه آدین قویدو هدر سوزلرینین
تا کی اوز شاه اثرین ائللره اهدا ائلهدی
تف سنین گردش دورانینا ای چرخ فلک
بو دولانماق کیمی گور کیم لره مولا ائلهدی
عاصما بسدی دایان شعرینه صون قوی بونو دء
لعنت اینترنته کی لال لاری گویا ائلهدی
استاد عاصم اردبیلی خرداد 1390
یاشا همشهری
یاشاسین آذربایجان کی اون کیمی دونیادا دیل یوخدور.
بیزیده لینگ ائله
ساغ اول
فوق العاده اس .اونقدری که زبان شعر گویاست هیچ چیز نیست
ایشون همیشه حقیقت رو با زبان شعر تفهیم میکنن
چوخ گوزل
ساغول
ساغول
دال با دال ساغول
کی بو گوزه ل دیلون گئنیش لنمه سینده بئله چالیشیسان
عاصیمه ده سلام
سنی ده وار اول
سلام
حقیقت تلخ است
همان شی که لعنت اولوب اوستادین شعرینده و یانیندا
الان الیمین آلتیندا و اوستادین شعرینه نظر یازیرام
بیر سوزیم یوخیازماغا
به قول معروف :
تلفون موبایل چیخاندان قیز گورونمیر بولاخدا
آللاه غنی غنی رحمت ایلسین اوستادیمیزی
همشه کی کیمین گوزلیدیر
سلام خیلی عالیه عالییییییی خدارحمتش کنداستادگرامی وعزیزرو...
سلام خییییییلی وبی نهایت اشعاراستادعاصم بی نظیرند خدارحمت کند من این شعراینترنت رو در دانشگاه بعدکنفراس که موضوع همان اینترنت هس روانتخاب کردم که با توکل به خدا حتما میخوانم تا دانشجویان هم بشنوند........برای شادی روحه استاد یه فاحته بفرستید ...