ش | ی | د | س | چ | پ | ج |
1 | ||||||
2 | 3 | 4 | 5 | 6 | 7 | 8 |
9 | 10 | 11 | 12 | 13 | 14 | 15 |
16 | 17 | 18 | 19 | 20 | 21 | 22 |
23 | 24 | 25 | 26 | 27 | 28 | 29 |
30 | 31 |
او آجی سئوزلره صبرائیله یرک دؤزدوم من
چون کمال اهلی اولان ناکام اولور سئزدیم من
هرزه سؤز سؤیله ینه یاخشی جواب سوسماقدیر
سوساراق های قوپاران هرزه دیلی اؤزدوم من
کاما چاتماق دیله یرسن ائلی چاتدیر کامینا
بونو گؤردوم هارا گئتدیم هارانی گزدیم من
اودیله سن مومو بیر یئرده نئجه ساخلایاسان؟
آتشیمله پولادی موم کیمی بیل ازدیم من
اونودوبلار سنی صائیب یادا سالماز کیمسه
دردیمی لعلیله داغ سینه سینه یازدیم من
صائب تبریزی
حورمتله یئنی وئبلاگیما دعوتلی سینیز. چوخ ساغ اولون.
سن یاریمین قاصیدی سن
ایلش سنه چاى دئمیشم
خیالینى گوندرهیب دیر
بس کى من آخ- واى دئمیشم
آخ! گئجهلر یاتمامیشام
من سنه لاى- لاى دئمیشم
سن یاتالى، من گؤزومه
اولدوزلاری سای دئمیشم
هر کس سنه اولدوز دئیه
اؤزوم سنه آى دئمیشم
سندن سونرا، حیاته من
شیرین دیسه، زاى دئمیشم
هر گوزهلدن بیرگول آلیب
سن گؤزهله پاى دئمیشم
سنین گون تک باتماغیوى
آی باتانا تای دنمیشم
ایندى یایا قیش دئییرم
سابق قیشا یاى دئمیشم
گاه طویووی یاده سالیب
من ده لى، ناى- نای دئمیشم
سونرا یئنه یاسه باتیب
آغلاری های هاى دئمیشم
اتک دولو دریا کیمى
گؤز یاشیما، چاى دئمیشم
عمره سورهن من قره گون
آخ دئمیشم، وای دئمیشم
استاد شهریار