گِجه شب نماري قيلان علي بوگِجه ياراليدي كوفه دَ
نِجه شيعه اول امامينين باشي گور بلاليدي كوفه دَ
بوگِجه گوي اولدوزو تك قاليب علي يوخدو راز ونياز اِدَ
بو گجه يتيم لرين اي خدا گورَسن سُراغينه كيم گِدَ
بو گجه خبر بودو كوفه دَ علي يه طعام آپارير هامي
بو گجه يتيم لرين اللرينده قاليبدي صبحچهَ سوت جامي
بو گِچه حسين گليب الغرض يارالي باباسينا آغلي يا
بوگِجه حسن گينه سعي اِدير بابانين ياراسي ني باقلي يا
هامي باخدي گوردو اوياندا بير خانم آغليير گوره سن نجه
ديير اي بابا آناسيز قيزي گينه تك قويوب گِدي سن نجه!
ديير اي بابا بوحسينيين بيليسن يامان گونو وار بابا
بو خرابه گوفه و شامي دَ بو حسينيين كيمي وار بابا
بابا دور كي وقتي نمازيين دورا بيلمه سن سويوشور بابا
بابا كوفه نين او يتيملري حالي وي گليب سورو شور بابا
چوخ اوشاخلار الدَكي سوت گليب سوتو سن آليب ايچه سن بابا
منه سويله حالي وي من گديم اولارا دييم نِجه سن بابا
علي صبحَچان دانيشيب ولي سحراولدو شمعي دَ ياممادي
علي گوزلرين يوموب اي خدا حسن آغلادي داي اوياممادي
بله سَسله دي بابا واي بابا ،بابا سايه سي يوخ اولان بابا
بابا كوفه دَ ا وزو گول مويَن غم ومحنتي چوخ اولان بابا