قیسا سؤزلر

... بیر الیمده اوره ک

داش اریمه لیدیر

یوخسا اوره ییم داش اولاجاق!

.

.

.

توروندان قاچیرتما منی!

تکجه منم، من و قورو خاطیره لر

... اوزه چیخانمیر سئوگی میز!

سن وارسان، منده!

باخیشیوی ایتیرمیشه م چملیکده

من یوخام، سنده!

... دردلر یئنی له نه جک!!!

سنین اؤلمووو ایسته ییرم

اؤزوم توپراغین اولارام

ایللر بویی قورو جیسمیوی قوجاغا آلارام

.

.

.

توپراقلاریمیز بیر اولاجاق

... بیلیرم

بولودلار گونون قاباغین آلیب لار

من، ساناز خرگوشه، سولماز، آخار اولدوز و نهایت ده ساناز شهابی نئچه ایل اونون بونون اورک سؤزون یازاندان سونرا بویون ایستیرم اؤز اوره ییم ده اولان سیرلارین بیر آزین سیزه دئییه م. آما اوندان قاباغ ایستیرم سیز حق باخاسیز.

ایه ساناز شهابی بویون آد چیخاردیب نه اؤز گوجو بلکه اوخوجولاریمیزین حساسیت لری اوچون دی آما بویون همان دوشان هامی دان اوره یی سینیب، گئچمیش آیلاردا تیکانلی سؤزلر اوره یین داریخدیریب و اونون بو سؤزلری یازماقدان تکجه بیر هدفی وار. آذربایجانین دوشان قیزی آجی دانیشسادا باغیشلایین. حق سؤز آجی اولار.

آذر گونون ایکینجی سایی سیندان یازماقا باشلادیم. اوندا نه من گوجلو یازاریدیم و نه آفتاب آذربایجان. بیر آن گؤز آچیب گؤردوم آفتاب آذربایجان اولوب آذر گونش. بیر آن گؤردوم بیز ایله اوخوجولاریمیز بیر بیریمیزه باغلانمیشیق. داها هم آفتاب گوجلویودو و هم من. هر سایی کی چیخیردی تئز اوخوجولارین نظرینه باخیردیم. گاهدان دؤیونوردوم و گاهدان سئوینیردیم. آذر گونش ده ان شیرین لحظه لریم واریدی. افخم، مریم، لیلا، آتیلا و فرهاد بی. شوق ایله یازیردیق. علی فرهاد آفتابین آتاسی و مریم اونون آناسی اولموشدو. آتیلا ائوین شولوغ و دوزلو بالاسی، لیلا ناز و چیچیک بالاسی، افخم بؤیوک و مهربان قیزی و ساناز حساس و دیل اوزون بیر اوشاق ایدی. سونرالار بیر آیری اوشاق دا بیزه قوشولدی، شیوا. او آفتابین سون بئشیی اولدو.

 زامان لار گئچدی. گونشین رنگی بوزاریردی. افخم ایله ساناز اولموشدولار اوگئی اوشاق. افخم تورکو یازماق باشارمیردی و ساناز بیلمیردی ندن یازسین کی آذربایجانا ربطی اولسون. کیمسه ایله ایشیم یوخ تکجه اؤزومو دئییرم. گونی اولاردی کی جیبیم ده ایکی یوز تومن پول تاپیلمازدی، گونی اولاردی کی آیلار ایله آیلیق آلمازدیم. بیلیردیم فرهنگی ایشده پول یوخدو. او قدر اوشاقلاری سئویردیم کی پولا ارزیش قاییل اولمایام. نه من هامی اؤجور ایدی. بو بیر ایل آخیری هر گون تازا بیر تیکه ائشیدیردیم. ائوین ناز بالاسی دئییردی ساناز آدام یولداشلارین پولا ساتماز و منیم بؤیوک گوناهیم همشهری روزنامه سی ایله ایشله ماق ایدی.

آنجاق آذرگونش یاواش یاواش دایانیردی. آگهی نین اولماماقی آتامیزی جانا گتیرمیشدی و بو هایاهایدا سسی چیخدی کی مجله باغلاناجاق. آتامیز بو سؤزی هامی اوشاقلارا دئمیشدی من ایله افخم دن سونرا. هر حال دا ایش بورا چاتدی کی "قالان قالسین و گئدن گئتسین". بو سایدان باش یازاریمیز دئییشیلیردی. اونلار بو باهانا ایله کی بو سایدان آذر گونش اولاجاق ط.ن اؤزلرین قوتاردیلار. حق وئریرم فرهاد بی اؤز موقعیتین الدن وئرمیشدی آما حق وئرمیرم کی او جمع اؤز موقعیت لرین آذربایجانا ترجیح وئردیلر. سؤز بویودو " ایستیریک تاریخ ده یازیلاق" آما من اؤز ایشیمی و اوخوجولاریمیزی سئویردیم. من جیسارت ایله دئدیم تئز قیضاوت ائله ماقی سئومیرم. من دایاناجاغام، یازماق اوچون، آذربایجان اوچون و اؤزوم اوچون. آما ائو اوشاقلاری منی آتدیلار، منه پول سئون آدی وئریب، خیانت کار سسله دیلر. اونلاردان چوخ سیزلردن اوره ییم سنیب. سیز تورک اوغلانلاری و تورک قیزلاری کی قلم الیزده تکجه آذربایجاندان یازیردیز آما ایندی...

من خائین دئییرم اونلار کی آذربایجانا یازماقی آذرگون ده تحریم ائله دیلر خائیین دیلر.

اونلار تئز قیضاوت ائله دیلر و یئنه ده تاریخ تیکرار اولدو. بیز آرمانی اونودوب توشدوک بیر لیدر دالیسیجا. اونوتدوق کی لیدرلر قالمالی دئییل لر آما آرمانلار هر زامان یئرینده!!

آی پیس اوشاق، آی رادیو گجیل، آی میرزا آغا گولشچی و تامام تورکو یازانلار. قلم لریز نه دن قورخدو، هن؟!

و سیز آی اوخوجولاریمیز بیزدن نه اونکوسو ائله ییرسیز. مگر بو دو کی آذر گونشی هر تک به تک یازانلاری قالخیزمیشدی. بو سای گرک چیخمایایدی آما اونلارسیز چیخدی کی دئسین بیزده سیز تکین آذربایجانی سئویریک، ایستیریک هامیز بوردا یازاسیز. آذرگونش ایه بو سای گوجلو دئییل تورک یازارلارینین وفاسیز لیقی اوچون دی.

آی اوخوجولار سیز تورک ائلیندن سیز. سیزدن اینتیقاد گؤزلوردوم نه تخریب نه اونون بونون آغزینا باخماق. بیر آز اینصاف ائله یین لوطفا.

و من ساناز شهابی بویون هر گوندن آرتیق جیسارتیمه گووه نیرم. من ثابیت ائله دیم کی تورک قیزیام و دونیانین تامام پوللاری و شؤهرت لری وطنی مین سئوگیسین آرادان آپارماز.

آما تورک اوغلانلاری بویون هاردادیلار.

... گولوم سولوب

اللریم تیکنلارینی آختاریر

شیرین گله جه ییمیزین ایستی سین سؤندوردو

گئچمیش گونلرین آجی توستوسو

... من اؤلورم

کفنیمی ساخلا

... تویوندا لازیم اولار

آیریلاق دئدیم...

کئشکه لال اولایدیم!!!

سن ایله دونیا آجی ایدی

... سن سیز

داها داد بیلمیرم

دور جانیم

دایان

گئتمه

یالواریرام

دور اؤلوم...

سونرا اؤلدور بیله می

اوره یین گوموش ایدی

.

.

.

ندن پاس آلدی؟!

اللریمیز بیر بیر ایله باغلاندی

باخیشلاریمیز بیر بیر ایله تیکیلدی

نفسیمیز بیر بیر ایله دولاشدی

آما بیر اولمامیز...

سنی رؤیالاریمدا گؤزله ییردیم

... کابوس لاریم سن له گئچیر

گؤزلرین منی آلدی

.

.

.

اللرین منی ساتدی

سئوگی یه گولموشدوم

... مندن باج آلدی

سؤنموش بیر سیگارتم

توتسوم دوداقیندا

کولوم ایاقین آلیتندا

و سئوگیم ...